- 22 -
[1421] (10. października) W polu pod Międzylesiem, w poniedziałek przed św. Jadwigą etc.
Sprawozdanie kierowane do burmistrza i rajców miasta Görlitz odnośnie wyprawy przeciwko Husytom etc.
— Herman Schultz, Hannus Pletzil vnde Heinrich Ebirhard der Slyf den irbern weysen burgerneister vnde ratmann der stat Görlitz etc. Vnser willige dinste mit sünderlichem fleysse zuvor, liben herren! Wir thun euch wissen, das wir gerucket sein vbir das gebirge ienehalben GlotzKłodzko, vnde haben do gelegen in eime dorffe eyne halbe meyle von dannen, genannt SweydelndorffSzalejów Górny w pow. Kłodzko von dem sonabende noch Michaelis [4. października] biss uff desin hütigen tag. Inn derselben zeit sein zu vns kommen in das veld der bischoff von der Neyssenz Nysy, hertzog CantenerKącki, tj. z Kątów Wrocławskich, der herzod von Monsterbergz Ziębic, der von Colditz vnd Hanns von Polentz mit aller irer macht; wy starg dy sein, das können wir euch nicht eyentlich vorschreiben, sundir wir mögin nicht dirkennen, das irne ein hauffe sterker sey denn der vnser, vnd vnser herre hertzog Rvmpold, vnser voyt vnd wir erden haben den vorzog vbir das gebirge vorbas uff dy ketzer, als wir nicht anders wissen, morne des nehsten tages in sülcher weyse, als an vns kommen ist, das der bischoff von OlmuntzOłomuniec (czes.: Olomouc, niem.: Olmütz) w Rep. Czeskiej etzwen zum LewtemyschelLitomyśl (czes.: Litomyšl, niem.: Leitomischl) w Rep. Czeskiej vnde der Pypo brengen 24 thusunnt pferde vnde werden sehen uff vns vnde wir uff sy. Aber nicht werden wir seyn mittenander in eyme hawfen in dem velde, sunder 4 meylin vonenander, das eyn teil dem andern, als is not wurde sein, zu hülffe mochte kommen etc.
Hirumme, liber herren, wir ouch itzund vormals zwir geschrebin han vmme zerunge, ist vns von euch nicht antwert worden etc. Beten wir euch mit sunderlichem fleysse, das ir doran gedencket vnde das wellet ansehen vnde dirkennen, das wir eynen grossen hauffen haben vnde grosse zerunge tragen, vnde vns sendet zerunge, der wir gros notdürfftig sein, itzund sunderlich vbir das gebirge in der vinde land etc. Wenn herzog Lodewig unde herzog Johann von Saganz Żagania nicht kommen sein. Wir ir vns senden welt, das moget ir mit en lossen durchgehen etc. Ouch als wir euch geschrebin haben, das wir haben vffgenommen von Petir Hulferich 10 marg vnd von Hannus Belbenitz von der Sweydenitzze Świdnicy 27 mark groschen, das richtet en zu dancke, wenn wir haben wedir groschen noch heller.
Ouch, lieben herren, habet doruff gedancken uff dy losunge, wenn die vier wochen ausskommen, das ir den gesellen losunge sendet, sy sprechen, sy wellen losunge haben etc. nemen grossen schaden an dem etren do heyme. Ouch, liber herren, bethe ich euch als von mir Herman Schultz, das ir eynen andern schaffetU Scultetusa stoi błędnie: schaffen, der do kommen wolde nach den vier wochen, wenn ich kan ir vorbass nicht mehr vorwesen, vnd ist mir nicht eben.
Ouch, lieben herren, ist gerett, das vnser g. h. Der konig komme mit 3 hawffen, in dem mittelsten sulle her selber in eygener person kommen, vnd dy von Osterreich haben das frowlein heymgefurt vnd kommen auch starck mit gantzer macht etc.
Geben im felde zu Sweydelndorff no bei Glotz an sente Burghardes obende vnder Herman Schultzen petschet.
Postscriptum. Iidem ad eundem sign. Ewer botschafft, die ir vns getan hat, als mit zerunge vnd mit speise, dy ist vns wol notdürfftig vnd sünderlich zu dancke. Abir den briff, den wir euch hatten gesant, dem boten quam Nickelchin vndir awgen, der korte wedir, denselben brif senden wir euch wedir etc. Sundir hüte zyn wir von MittenwaldeMiędzylesie vbir das gebirge zu den vinden. Got gebe, das is vns gelücke. Am sonabend uff den abend als wir quomen uff der abend, hatten die ketzer bey Mittenwalde uff dem gebirge besatzt ir warten mit den gebawern, dy drungen dy unsern mit were dovon. Dry schlugen sy tot, dry sy ir gebrant. Etzliche aus den behmischen herren weldin wol wedirkeren, welde man sy uffnemen. Auch als die vnsern am suntage dy wege uff dem geberge uffrewmeten, quam eyner gereten vnd vrogtte noch dem von Santbach. Sprach der vnser eyne: Ich wil dich zu em füren, vnd furte en zu Wolfart von Rathelaw. Sprach der ketzer: liber herre, mein h. hat mich zu euch gesant, das ir das gebirge innehald vnde dy Slesiten nicht hinobir last. Her wil euch 300 zu hulffe senden. Do nomen sy den boten vnde branten en.
Ouch so haben dy von dem berge heymelich geschrebin den fursten, das sy sich zu en hylden; was sy noch uncristen bey en hetten, wurden sy sich zu en keren, dy welden sy tilgen vnde dy fursten vffnehmen etc.
Geben am montage vor Hedwigis zu felde vor Mittenwalde.
Iterum postscriptum. Wir müssen keuffen ¼ byers vor 1 mark, vor 4½ schilling vnde auch tewer vnd neher vnd mogen mit 4 fudir biers den tag nicht zukommen, vnde ynand musen wir haben ¾ virtel, auch hat man ir 1/4 eynen tag ausgetruncken. Noch mussen wir horen, Swobe sey wedir uffgestanden. Ouch, liber herren, haben wir zu speisen 20 menschen vnde 200 adir me, das last euch auch zu hertzen gan.